22. kölgə
ay kimi gizlənmə buludlarda,
yoxsan əzizim neçə müddətdir.
sən bir ümid ver mənə şam boyda,
baxmaram aləm qara zülmətdi.

mən gecələrdən niyə qorxum ki,
qorxudan onsuz ürəyim yaradır.
mən niyə qorxum ki qaranlıqdan,
taleyim ondan daha çox qaradır.

olsa da qəm möhnət ucunda,
yarim o imkanı yaratmaz.
kölgəsi durmuş başucumda,
o məni yatızdırmasa yatmaz.

zülmün əlində məni tək qoyma,
rəhm eləməz gözdən axan yaşa o.
rəhm olar ancaq yumuşaq qəlbdə,
səndədə çoxdandır dönüb daşa o.

gözdən axan yaş elə acizdi,
bəlkə gəlib insafa yumşalasan.
yollarının qurbanı gəl çıx ki,
dərdin əlindən məni tez alasan.

aydın sani